مرجع المحادثة · Sprechen A1
كل شي للامتحان الشفهي: كيف بيصحح الفاحص، خطة الـ10 دقايق تحضير، 22 موضوع للتعريف عن حالك، طريقة وصف الصورة، و24 صورة من الكتب الرسمية مع وصف وحوار جاهز. اضغط «استمع» لتسمع النطق الألماني.
كيف بيمشي الشفهي وكيف بيتصحح
- التحضير (10 دقايق): بياخدوك لغرفة مع ورقة المهام. فيك تكتب ملاحظات وتاخدها معك، بس ممنوع تقرأ منها، هي بس لتذكّرك.
- البداية (ما بتنحسب): الفاحص بيسلّم عليك وبيسألك عن اسمك. قول: Guten Tag! Ich heiße Fathi Abo Alfotoh. Ich komme aus Syrien.
- Aufgabe 1 (~3 دقايق): بتختار 4 مواضيع من 6 وبتحكي عن كل واحد كم جملة. أغلبه إنت بتحكي لحالك.
- Aufgabe 2 (~3 دقايق): بتختار صورة من 3 وبتوصفها بالأسئلة الأربعة.
- Aufgabe 3 (~3 دقايق): بتمثّل نفس موقف الصورة يلي اخترتها، حوار مع الفاحص.
في فاحصين: واحد بيحكي معك، والتاني بيسمع وبيكتب. بعد ما تطلع بيقرروا النقاط سوا. الحوار بيتسجّل.
النقاط (من 25، والنجاح 12)
الخلاصة: 4 + 4 + 4 + 5 + 4 + 4 = 25. بتنجح بـ 12. يعني جمل بسيطة صحيحة بثقة بتكفيك بزيادة.
شو تعمل بالـ10 دقايق
| الوقت | شو بتعمل |
|---|---|
| دقيقتين | Aufgabe 1: اختار 4 مواضيع حضّرتها من هالصفحة. اكتب كلمة مفتاحية لكل جملة (مو جمل كاملة). |
| 4 دقايق | Aufgabe 2: اختار الصورة الأسهل (محل، دكتور، مطعم، فندق). اكتب 2–3 كلمات لكل سؤال من الأربعة. |
| 4 دقايق | Aufgabe 3: قرّر دورك (الزبون / المريض / الضيف). اكتب جملة البداية، 3 أسئلة رح تسألها، وجملة الختام. |
لا تكتب حوار كامل وتقرأه. الكتاب الرسمي بيقول هاد ما بيساعد. الفاحص بيسأل أسئلة ما بتتوقعها، فلازم ترد عليها.
عرّف عن حالك: 22 موضوع جاهز
المواضيع بتتغير بكل نموذج، بس بتتكرر. هون كل المواضيع يلي طلعت بالكتب الرسمية الثمانية. لكل موضوع 3–4 جمل + أسئلة ممكن يسألك ياها الفاحص.
القاعدة لكل موضوع
- 3–4 جمل: جملة رئيسية + تفصيل + رأي (… gefällt mir / … ist toll).
- اربط بـ und · aber · auch · oft · gern.
- فيك تخترع. المهم الجمل تكون صح.
- إذا الموضوع بنقاط (Im Winter … / Ich trinke gern …): كمّل الجملة نفسها وزيد جملتين.
وصف الصورة: 4 أسئلة، جملتين لكل سؤال
بلّش بقول رقم الصورة: Ich nehme Bild 2. بعدين جاوب الأسئلة الأربعة بالترتيب.
| السؤال | القالب | انتبه |
|---|---|---|
| Was sehen Sie? | Ich sehe einen Tisch, eine Lampe und ein Auto. | بعد sehe: einen للمذكر |
| Wie viele Personen sehen Sie? | Ich sehe zwei Personen: einen Mann und eine Frau. Der Mann ist jung. Er trägt … Die Frau hat lange Haare. | زيد الشكل واللبس |
| Wo sind diese Personen? | Sie sind in einem Geschäft / in einer Küche / im Park. | Wo ← Dativ |
| Was machen diese Personen? | Der Mann kauft … Die Frau zeigt … Sie sprechen zusammen. | فعل مع er/sie بـ -t |
إذا مو متأكد قول Ich glaube, … أو Vielleicht …: Ich glaube, das Auto ist kaputt.
كلمات وصف الصورة
اضغط «استمع» عند كل كلمة، وقولها وراه بصوت عالي. الأداة (der / die / das) مهمة لـ einen / eine / ein.
الحوار: نفس الصورة، إنت أحد الأشخاص
- اختار دورك: الأسهل دايماً الزبون / المريض / الضيف، لأنو إنت يلي بتسأل.
- Sie أو du؟ مع بائع، دكتور، نادل، موظف ← Sie. مع صديق، أخ، شريك ← du.
- البداية: تحية + طلبك: Guten Tag! Ich suche … / Ich möchte … / Ich brauche …
- اسأل سؤالين أو تلاتة: Was kostet …? · Haben Sie … in Größe M? · Wann …? · Wie lange dauert das? · Kann ich mit Karte bezahlen?
- رد على الفاحص بجمل: مو بس Ja. قول Ja, gern. Ich nehme …
- الختام: Vielen Dank! Auf Wiedersehen! (أو Tschüss! مع صديق)
الكتاب الرسمي: الفاحص بيتأكد إنك حكيت 4 مرات على الأقل وأكتر من نعم/لا. إذا ما فهمت: Wie bitte? Können Sie das bitte wiederholen?
جمل جاهزة حسب الموقف
اختار الموقف، اسمع كل جملة وقولها وراه.
القواعد يلي بتحتاجها للمحادثة
التصريف (ich bin · du bist)، جدول الأدوات (einen / meinen / mit meinem)، الأسئلة، الصفة (einen roten Pullover)، والماضي (Ich habe … studiert): كلها بجداول بمرجع الكتابة.
24 صورة من الكتب الرسمية: وصف + حوار
الصور من كتب التمارين الرسمية ÖSD ZA1. جرّب توصفها بصوت عالي، وبعدين افتح الحل.
محاكاة فحص كامل
بختارلك نموذج عشوائي من الثمانية: 6 مواضيع و3 صور. جهّز 10 دقايق، وبعدين خلي صديق أو أستاذ يلعب دور الفاحص، أو سجّل صوتك واسمعه.
اضغط «اختار نموذج».
جمل الإنقاذ والنطق
إذا علقت أو ما فهمت
| Deutsch | المعنى | |
|---|---|---|
| Wie bitte? | عفواً؟ شو قلت؟ | |
| Können Sie das bitte wiederholen? | فيك تعيد لو سمحت؟ | |
| Langsam, bitte. | على مهل لو سمحت. | |
| Ich verstehe das nicht. | ما فهمت. | |
| Was bedeutet „Rechnung“? | شو يعني "Rechnung"؟ | |
| Wie sagt man das auf Deutsch? | كيف بيقولوها بالألماني؟ | |
| Moment, bitte. · Entschuldigung. | لحظة لو سمحت · عفواً | |
| Das weiß ich nicht genau. | ما بعرف بالضبط. |
النطق: الحروف يلي بتفرق
| الكتابة | اللفظ | أمثلة | |
|---|---|---|---|
| ch (بعد i, e, ä, ö, ü) | ناعمة متل "إش" | ich · nicht · sprechen | |
| ch (بعد a, o, u) | خ | acht · Buch · Woche | |
| w · v | w = ڤ · v = ف | Wasser · wohnen · Vater · viel | |
| z | تس | Zeit · zwei · Zimmer | |
| ei · ie | ei = آي · ie = إي طويلة | mein · Zeit · Liebe · vier | |
| eu · äu | أوي | heute · Freunde · Häuser | |
| ü · ö | إي/إ بشفايف مدوّرة | für · Grüße · schön · möchte | |
| sp · st (بأول الكلمة) | شب · شت | Sport · Stadt · Straße | |
| -er (بالآخر) | آ خفيفة | Vater · Lehrer · Wasser | |
| نبرة السؤال | الصوت بيطلع لفوق بالآخر ↗ | Passt dir das? · Kann ich mit Karte bezahlen? |